Niuernermik Ilinniarfik - Nuuk aamma FranklinCovey nordic approach suleqatigiinnissamik isumaqatigiissuteqarlutik neqeroorutigaat Ileqqut pitsaasut arfineq-marluk pillugit.
Ileqqut pitsaasut arfineq-marluk® tunngaveqarput suliamik atuakkit tunisaanerpaat ilaannik ”7 Habits of Highly Effective People”, qallunaatut taaneqarsimasumik ”7 Gode Vaner – Personligt lederskab og
livskraft”. Workshop-eqarneq ulluni pingasuni ingerlanneqassaaq, naammassisaqarnerusinnaanermullu inuttut, aqutsinikkut aaqqissuussaanikkullu pitsaasumik tunngaviliissalluni. Ileqqut pitsaasut arfineq-marluk peqataasut namminneq iliuutsiminnik takunnissinnaalersissavaat aammalu inuttut allanillu peqateqarlutik qaffasinnerpaamik naammassisaqarnissamut sakkussanik tunissallugit. Suleqatigiinnermi sulisut ataasiakkaat inuttut pissutsimikkut nakuunerulersinnerisigut aaqqissuussaanermik nukittorsaanissaq anguniarneqarpoq.
Kikkulluunniit inuttut ineriartorusuttut imaluunniit suleqateqarnerminnik, naammassisinnaasaminnik peqatigiinnermillu pitsaanerulersitserusuttut.
Workshop-eqarnerup immikkoortui pingaarnerit
Ileqqut pitsaasut arfineq-marluk peqataasut ilinniartissavaat qanoq ilillutik kikkut tamarmik qaffasissumik angusaqarusutsillugit ataatsimut suleqatigiilluni naammassisaqarsinnaassutsiminnik pitsaanerulersitsinissaannik. Ilitsersuisoq misilittagartooq pikkorissorlu nammineq misigisimasani aallaavigalugit peqataasunik ilitsersuissaaq Ileqqut pitsaasut arfineq-marluk sungiusaatillu taakkununnga atasut qanoq atorneqarnissaannik.
Pissarsiassaq
Peqataasut paasisaqalissapput qanoq ililluni:
• Sunniutikitsumik pissuseqarneq ileqqullu pitsaanngitsut atorunnaarneqarsinnaanersut
• Tatiginninneq qaffasissoq, ataatsimoortutut misigineq sunniutillu pitsaasut pilersinneqarsinnaanersut
• Attaveqatigiinnerit nukittuut, illugiilluni ataqatigiinnermik tunngaveqartut ineriartortinneqarsinnaanersut
• Iliuuseqartoqarlunilu akisussaassutsimik tigusisoqarsinnaanersoq
• Pingaarnernik ukkassisoqarsinnaanersoq, tassa pingaarutilinnik, nukinginnarnerpaajusariaqanngitsunilli
• Kikkut tamarmik ajugaasutut misigisimaffiinik attaveqatigiilersitsisoqarsinnaanersoq
• Sunniuteqartumik attaveqatigiittoqalersinnaanersoq
• Assigiinngisitaarnermik pingaartitsinermik pilersitsisoqarsinnaanersoq
• Inuttut ineriartortuarnissamut iliuuseqarnermik
Atortussat
Atuakkap ”De 7 Gode Vaner” saniatigut peqataasut najoqqutassamik pissapput aammalu 360-graders profil-imi peqataanissamut periarfissaqassallutik. Taanna imminut nalilerneruutigaluni suleqatit imminermut qanoq naliliinerannik paasisaqarfiussaaq. Suleqatigiinnerup ingerlanerani peqataasut namminneq qanoq pissuseqarnermik inernera (profilresultat) paasiniarsinnaassavaat. Taamaalilluni nammineq pissutsimi ingerlaannartumik ungasinnerusorlu isigalugu pitsanngoriaataasut workshop-eqarnermili malugineqarsinnaalissapput.
Sumiiffik
Immikkut sammisaqarluni suleqatigiinneq Nuummi ingerlanneqassaaq Niuernermik Ilinniarfiup iniutaani Jagtvej 40-mi.
15.-19. november 2010
Ataasinngorneq 15. novemberj: Hel undervisningsdag
Marlunngorneq 16. november: 1/2 undervisningsdag
Pingasunngorneq 17. november: 1/2 undervisningsdag
Sisamanngorneaq 18. november: 1/2 undervisningsdag
Tallimanngorneq 19. november: 1/2 undervisningsdag
Ilitsersuisoq
Karen Lorentzen FranklinCovey-mi partneritut suleqataavoq. Nammineq siunnersuisarfiuteqarpoq Aalborg-imi, ukiullu ingerlanerini aallarnisaasartuusarluni nammineq suliffeqarfiutini atorlugit - ilaatigut network marketing-imi aamma Sverigemi takornariaqarnermik sulisut akornanni. Karen inuussutissarsiummik ilinniarfinni aammalu suliamut tunngasunik pikkorissaanerni atuartitsisutut ukiorpassuarni misilittagaqarpoq. Ukiuni pingasuni Canadami najugaqareerlu Syddansk Universitetimi tuluttut cand.mag.-imut atuarpoq, ullumikkullu qaffasissutsini tamani tuluttut atuartitsisarluni.
Karen aningaasanik aqutsinermi naatsorsuuserinermilu niuernerup iluani ilinniartitsisutut ilinniarsimasuuvoq, inuussutissarsiutinullu tunngasumik piorsaanikkut imminut qaffassartuartarsimalluni, ilaatigut studievejleder-isut. 2004-miit 2008-mut Karen Kalaallit Nunaanni atuartitsisuuvoq – inuussutissarsiummik ilinniarfinni aammalu Kalaallit Nunaanni siunnersuisutut ilinniartitaanermut ataqatigiissaarisutut. Karen aamma suliffeqarfissuarmi KNI A/S-imi HR konsulentitut atorfeqarsimavoq, tassani pingaarnertut suliaralugit MUS-imi AI - Appreciative Inquiry-milu atuartitsineq. Karen Lorentzen atuartitsisuuvoq oqalugiartartuullunilu soqutiginnittoq tiguartinnartorlu, kulturikkullu assigiinngitsorpassuarnik tunulequtalinnik suliaqarnissamut misilittagaqarluni. Karen Ileqqut pitsaasut arfineq-marluk pillugit immikkut sammisaqartitsilluni workshop-eqartitsisarpoq.
Akia
Workshop-imi peqataaneq 9.800 kr.-qarpoq, tassani ilaallutik atortussat nerisallu.
Danmarkimi tassunga aki nalinginnaasoq (inajugaqarneq ilanngullugu) inummut ataatsimut 17.910 kr.-iuvoq
N.B. Der er ingen AMA - midler på dette kursus. D.v.s. Kursisten skal selv stå for evt. udgifter til rejse og ophold.
Peqataanissamut nalunaarfissaq kingulleq
18. oktober 2010
Qinnuteqartutut tiguneqarneq piffissap qinnuteqarfissatut killiliussap kingorna pituttorneqaataasarpoq, peqataaniarunnaarnerlu allakkatigut nalunarutigineqassaaq qinnuteqarfissaq naatinnagu. Qinnuteqarfissatut killiliussap kingorna peqataaniarunnaarnermi akiliutip tamakkiisup 50%-ia akileqquneqassaaq. Pikkorissarnissap aallartinnissaanut ullut qulit sioqqullugit peqataaniarnani nalunaaraanni akiligassaq tamakkiisoq akileqquneqassaaq.
Niuernermik Ilinniarfiup nittartagaatigut www.ninuuk.gl. peqataanissat nalunaarutigisinaavaat.
Peqataaniarluni nalunaarneq pituttuisuuvoq.
FranklinCovey pillugu annerusumik paasisaqarsinnaavutit uani: www.franklinCovey.dk
Ullunni pissanganartuni pingasuni peqataalluarisi!
* Skal udfyldes
