TNI-Basisår ilinniakkap ingerlanneqarnera
Niuernermik Ilinniarfimmi Nuummi Qaqortumilu misiliutitut neqeroorutigineqarpoq ilinniagaq nutaaq TNI-Basis (Niuernermik ilinniarfimmi tungaviusumik ilinniagaq).
TNI-Basisår nutaartaraa aallartikkaangamik ukioq ataaseq atuarfimmiittoqaqqaartarami kingornalu ukioq ataaseq praktikkertoqartarluni. Tamassumalu kingorna ukiut sinneruttut marluk ilinniarfiusoq pingasoriarluni ilinniarfimmiittoqassaaq kiisalu pingasoriarluni praktikkertoqassaluni.
Pisariaqanngilaq praktikkerfissamik nassaareersimanissat ilinniarfissat aallartitsinnagu. Tassa imaappoq, periarfissaqarputit paasissallugu ilinniakkap qanoq imaqarnera pisiniarfimmiutut imaluunniit allaffissornermik ingerlaqqitsinnak.
TNI-Basisår ilinniagaq ilinnut naleqqussarlugu aaqqissugaavoq 10. klassimit aneqqammersimasutut kiisalu inuutissarsiornermi ilinniakkamik aallartitserusuttumut, kisianni sorleq suli ingerlaqqiffissatut nalornikusoorfigalugu.
TNI-Basisår imatut imaqarpoq
TNI-mi ilinniakkami ingerlatsinermik annertuumik tamakkiisumik paasisitsiilluni ilinniartitsinissaq pingaartinneqartorujuuvoq, tassani ingerlanermi aalajangeeqataallutillu akisussaaqataavutit.
Ilinniakkami pinngitsoorani makkunannga ilinniartitsisoqartussaavoq:
- Inuutissarsiutigalugu aningaasarsiorneq
- Tuniniaaneq kiffartuussinerlu
- IT
- Samfundslære
- Dansk og grønlandsk
- Engelsk
Praktikkerfissat
TNTNI-mi ilinniarniaraanni praktikkerfissat amerlasuujupput, soorlu uku taaneqarsinnaapput, illit kommunigisat kiisalu Namminersornerullutik Oqartussat. Aamma ukuusinnaapput Royal Greenland A/S, TELE-POST, Nukissiorfiit, atisaarniarfiit osv.
UkUkioq ataaseq ilinniareeruit aatsaat praktikkerfissannik nassaassaatit. Ilinniarfimmiinninni praktikkerfissannik isumassarsitinneqassaatit, kiisalu sungiusarneqassaatit allannissamut suliffimmut qinnuteqarnissamut.
TNI Basisår kingorna ingerlaqqiffiusut periarfissat allat
TNI Basisår kingorna ukiuni pingasuni nikittaattumik ilinniarneq ingerlaqqissaaq, tassani ilinniarfimmiinnerit praktikkernerillu nunatta iluani imaluunniit Danmark-imi, apeqqutaatillugu ingerlaqqiffiusoq sorleq qinerneqarnersoq. Ukununnga ingerlaqqiffiusunut toqqaasinnaavutit assersuutigalugu:
- TNI-mik ilinniarneq allaffissornermik sammivilik
- Pisiniarfissornermik ilinniarneq ulluinnarni nioqqutissanik tuniniaanermik sammivilik.
- Kiisalu ingerlaqqiffiusut allat soorlu, nakorsat allattaat, eqqartuussisuserisut allattaat, atortunik isumaginnittut il. Il..
TNI kingorna pisinnaaffigiligassatit
TNI-mi ilinniakkap piginnaaffigilikkannik piumaneqartuartuni tunissavaatit. Ilinniakkap ingerlanerani kiisalu ingerlaqqiffiusunik qinersiguvit makku piginnaaffigilertussatut angusinnaavatit:
Inuttut piginnaasat: suleqatiginnissinnaaneq pitsanngorsarlugu, paasissutissanik qinaasineq, kiisalu takutissinnaallugu akisussaassuseqarneq kiisalu naassaassiullaqqinneq.
Attaveqarnikkut kiisalu atortutigut piginnaasat: IT-mi suliaqassaatit kiisalu sungiusarneqassaatit naammassisanik saqqummiisinnaanermut. Paasiniaaqqissaassaatit attaveqarnermillu suliaqarlutit, soorlu tigusisup nalerlersugassaani.
Inuiaqatigiit iluanni piginnaasat: Ilisimalissavatit inuiaqatigiit kalaallit qallunaallu, politikki, eqqartuussiveqarneq kiisalu suliffeqarneq.
Aningaasarsiornermik piginnaasat: Ilinniassavatit namminersorluni aningaasarsiorneq, inuutissarsiornermik aningaasarsiorneq, inuiaqatigiinni ammasumik aningaasarsiorneq kiisalu nunarsuarmioqatigiinni aningaasarsiornq.
Nunarsuarmioqatigiinni kiisalu piorsarsimatsutsikkut piginnaasat: Paasisaqarfigissavatit oqaatsit piorsarsimassuserlu.
Niuernermik kiffartuusinermillu piginnaasat: Immersorneqassaatit inuutissarsiornikkut inuunermik imaluunniit pisortat ingerlatsiviinik.
TNI-mi ilinniakkat aqqutigalugu piginnaasanik taakkuninnga pissaatit, periarfissagissaalersissavaatillu ilinniaqinnissamik suliffittaarnissamullu.
Siunertaq
TNI ilinniakkami uku siunertarineqarput:
Atuagarsornikkut inuttullu piginnaasat siuarsarneqassapput taamaalillugu suliffeqarfiit piumasaqaataannut naleqqussuuttoqarsinnaanngorniassammat
Ineriartortissallugit ilisimasat, pisinnaasat kiisalu namminersorsinnaaneq piginnaaneqarfigineqalerniassammat pilersaarusiorneq taamatuttaaq suliarineqarsinnaanngorniassammata naliginnaasut suliassat TNI-imi ilinniartup ilinniagaata iluaniittut. Suliffissamik ajunngitsumik siunissamik ingerlatassannik pilersitsissaatit
Taamatuttaaq inuttut ineriartussaatit, kiisalu suliffigilerumaagassannut ajunngitsumut alloriassaatit.
Tigutinnissamut piumasaqaatit
TNI-Basisår-imut tigutinniaruit meeqqat atuarfianni soraarummeernermik angusisimasariaqassaatit (FSA) minnerpaamik ukiup ingerlaneranik soraarumeernermik 7-tariaqassaatit ukununnga fagine kalaallisut, qallunaatut, tuluttut kiisalu kisitsinermik/matematik.
Qinnuteqarneq pisarpoq qinnuteqaammik piumanikkut nammineq kommunigisamik Piareersarfimmi saaffiginninnikkut.
Aningaasarsiorneq
TNI-mi ilinniarneq ingerlanneqartarpoq praktikkerfimmit ilinniarfimmut uteqattaarnikkut, praktikkerfillu akuerineqarsimassaaq kiisalu ilinniarneq ingerlanneqssaaq Nunatsinni Danmark-imilu.
Ilinniarneq ingerlanneqassaaq –aallartinneqassallunilu
Ilinniarneq ingerlanneqssaaq Niuernermik Ilinniarfimmi Nuummi imaluunniit Qaqortumi, ilinniartitsisut uummaarilluartut pikkorissullu siunnersorlutillu isumassarsitittassavaatit.
TNI-mi ilinniarneq aallartissaaq augusti aallartinnerani.
Inuussutissarsiutitigut tunngaviusumik ilinniarnerit ukioq tamaat ingerlanerani ataavartumik qinnuteqarfigineqarsinnaapput — ima paasillugu qinnuteqartoq ukioq tamaat ingerlanerani tiguneqarsinnaavoq, kisianni TNI-Basisår aallartissaaq augustip aallaqqaataani, taamaalillugu kingusinnerpaamik 1. marts-aallaqqaataani kingusinnerpaamik qinnuteqassaatit.
Annertunerusumik paasisaqarusukkuit
Annertunerusumik paasisaqarusukkuit imaluunniit ikiortikkusukkuit oqarasuaammut uunga saaffigitigut +299 32 30 99 imaluunniig e-mail-erlutit: ninuuk@ninuuk.gl.
Oqarasuaaq:+299 64 23 99 imaluunniig e-mail-erlutit: niqaq@niqaq.gl
TNI pillugu paasissutissanik qinerleruit uunga nittartakkatsinnut isersinnaavutit: www.ninuuk.gl imaluunniit: www.niqaq.gl imaluunniit illit kommuneqarfinni Piareersarfimmut saaffiginninnikkut
Inussiarnersumik inuulluaqqusilluta
Niuernermik Ilinniarfik
Postboks 1038, 3900 Nuuk
|
