Atuarfimmi allatsinut nutaamik piginnaasaqarnerulerfiusumik ilinniaqqinneq Kultureqarnermut, Ilinniartitaanermut, Ilisimatusarnermut Ilageeqarnermullu Pisortaqarfiup (KIIIP) kaammattuuteqarneratigut suleqatigineratigullu Niuernermik Ilinniarfiup atuarfimmi allatsinut ilinniaqqinneq nutaaq ineriartortippaa. Ilinniartitaaneq aallaqqaammut meeqqat atuarfiini allatsinut neqeroorutaassaaq.
Ilinniartitaanermi anguniagaq Ilinniartitaanermi anguniagaavoq atuarfimmi allatsit suliamikkut inuttullu piginnaasaqarnerulersinnissaat atuarfimmi pisortat allaffissornikkut suliassatigut oqilisaassinnaaniassammatigit. Taamaaliornikkut atuarfimmi pisortat perorsaanermut, sulisoqarnermut atuarfiullu ineriartornissaanut tunngasunut nukissaqarnerulerniassammata.
Ilinniartitaanermi anguniagaq Ilinniartitaanerup kingorna peqataasut suliassat, atuarfimmi pisortat aallaffissornikkut suliassaqarfiiniit nuutinneqartussat suliarisinnaalersussaavaat.
Tamatuma saniatigut pikkorissartut pilersaarusiornermut, attaveqaqatigiinnermut, suleqatigiinnermut ataatsimullu isigalugu akisussaaffimmik annertunermik tigusinissamut attaveqatigiinnilu peqataanissamut inuttut piginnaaneqarnerulersimassapput.
Ilinniartitaaneq modulikkaartumik aaqqissuunneqassaaq modulinut sisamanut. Modulit sivisussusaat assigiinngiiaassaaq, ulluni tallimaniit ullut qulit tungaannut takissuseqassalluni. Ilinniartitaaneq ukiumik ataatsimik sivisussuseqassaaq. Pikkorissartut atuagarsornikkut ilikkarsimasatik modulit akornanni suliffimminni sulinerminni atortassavaat.
Ilinniartitaaneq Nuummi ingerlanneqassaaq.
Ilinniartitaaneq ukiup atuarfiusup ingrlaneranik aallaaveqassaaq. Tamana ima paasineqassaaq, modulini ataasiakkaani pikkorissartut allaffissornikkut suliassat ilinniartassagaat, kingorna sulinerminni atugassatik ukiup atuarfiusup iluani pissusissamisoortumik malittarinnittumik.
IT – (Word, Outlook, Excel il.il.) Pilersaarusiorneq pilersaarusiornermilu sakkut pillugit nalinginnaasumik sullissinneq (TABULEX) Attaveqatigiinnermi tunngaviusut Meeqqat atuarfianni suliassatigut ineriartorneq
Modul 1-imi meeqqat atuarfianni suliassatigut ineriartorneq ilisaritinneqartarpoq, IT atorlugu sakkut aallarnisaataasumik imaluunniit eqqaasitsitseqqissutaasumik sammineqartarlutik kiisalu peqataasut pilersaarusiornermik attaveqatigiinnermillu ilinniartinneqartarlutik.
Modulimi ukiup atuarfiusup tullinnguuttup pilersaarusiornissaa/pilersaarusiorneraluunniit ingerlareersoq aallaaviussaaq.
Aningaasatigut ingerlatsineq – (missingersuusironeq, aningaasanik aqutsineq aamma naatsorsuuserineq) IT – (sakkut pingaartumik aningaasatigut ingerlatsinermut tunngasut) Attaveqatigiinneq – Appreciative Inquiry (AI) – akuerinnippalaartumik periuseqarneq
Modul 2 imarisamigut ukiup naanerani naammassisassanut aammalu aningaasatigut ingerlatsinermi suliassanut allanut tunngavoq, kiisalu peqataasut attaveqatigiinnermi akuersaarpalaartumik pissuseqarnissaat ineriartortissallugu
Suleqatigiinneq, aqutsisutut suliassat aamma taakku qanoq ingerlasarnerat
Attaveqatinik ineriartortitsineq attassiinnarnerlu
Aaqqiagiinngissutinik iliuuseqarfiginninneq
Stressimik iliuuseqarfiginninneq
Atuarfimmi allatsi siunissami digitalinik atuiffiusumi
Modul 3-mi suliarineqassapput inuttut piginnaanerit, suleqatigiinnermut, sullivimmi pitsaasunik avatangiiseqarnermut namminerlu stressilernaveersaarnissamut pingaaruteqaqisut.
Sulisutigut ingerlatsineq, sulisoqarnermi inatsisinut tunngasut aamma nalunaarsuinermi inatsit Nalunaarusiat, nalunaarutiginnittarnerit, misilitsitsissutinik piareersaaneq Allagaataasivilerineq aamma nalunaarsuiffilerineq Allagaatinik takunnissinnaatitaanermut nipangiussisussaanermullu tunngasut i.il. (Pisortat ingerlatsiviini sullissineq pillugu Inatsisartut inatsisaat)
Modul 4 allaffissornikkut suliassanut aalajangersimasunut tunngavoq. Modulimi tassani ukiup taamaalinerani pilersaarusiornermi soraarummeernissanilu suliassanut tunngasut sammineqassapput, tassanngaanniillu modul 1-imi pineqartoq, tassa ukiup atuarfiusup nutaap pilersaarusiornera, naggataarutigineqassaaq.
Modulit akornini peqataasut angerlarlutik suliassinneqartassapput – E-læringitut suliarinngikkunikkit suliassatut ingerlassinnaasaminnik, tassani piginnaasat assigiinngitsut nutaat ulluinnarni misiligarneqarsinnaapput modulip tulliata aallartinnginnerani. Tassani kissaatigineqarpoq atuarfimmi pisortat suleqatitut, ikorfartortitut siunnersortitullu suliassami peqataanissaat.
Atuartitsisut Atuarfimmi allatsitut ilinniartitaanermi atuartitsisuussapput Nuummi Niuernermik Ilinniarfimmeersut meeqqallu atuarfiineersut.
Peqataanissamut piumasaqaatit Meeqqat atuarfianni allatsitut sulisooriissaatit. Qanoq sivisutigisumik atuarfimmi allatsitut sulisuusimanissat immikkut piumasaqaatitaqanngilaq, ilinniaqqinnermi piginnaanereriikkavit qaavisigut piginnaanngorsaqqinnissat pineqarmat.
Piffissat pikkorissaaviit Modul 1: 8. nov. - 12. nov. 2010 Modul 2: 2011
Modul 3: 2011
Modul 4: 2011
Ilinniartitaaneq sumiissava Meeqqat atuarfianni allatsitut ilinniartitaaneq Nuummi Niuernermik Ilinniarfimmi ingerlanneqassaaq.
Jagtvej 40. Nal. 8.15 - 15. 30
Akia il.il. Meeqqat atuarfianni allatsitut ilinniartitaaneq tamakkiisoq akeqarpoq kr. 24.750,00-inik marlunnut avillugu akilerneqartussaalluni. Akia matussutaasussut pikkorissaanerneq aammalu pikkorissarnermi atortussat.
Tamatuma saniatigut ilinniartitaaneq AMA-mit aningaasaliiffigineqarsinnaavoq, tassalu imaappoq, Nuup avataaneersunut angalanermut najugaqarnermullu aningaasartuutaajumaartut AMA-p aningaasaateqarfianit (siornatigut AEB-mit aningaasanit) akilerneqartarput. Angalaneq najugaqarnerlu Niuernermik Ilinniarfiup isumagissavaa.
Aningaasartuutit allat soorlu nerisaqarnermut aningaasartuutit, sulisitsisup akiligassarai. AMA pillugu nalunaarut uani aasinnaavat.
Nalunaarneq Aatuarfimmi allatsitut ilinniarnermut peqataajumallutit nalunaarsinnaavutit nittartakkakkut ugguuna. Ilinniartitaanerup pikkorissarnermi normoraa. 2010-036. Nalunaarfissaq kingulleq: 11.okt 2010
N.B. Grundet AMA - Situationen for 2010, kun vi kun tilbyde AMA til de to første moduler!!
Qinnuteqartutut tiguneqarneq piffissap qinnuteqarfissatut killiliussap kingorna pituttorneqaataasarpoq, peqataaniarunnaarnerlu allakkatigut nalunarutigineqassaaq qinnuteqarfissaq naatinnagu. Qinnuteqarfissatut killiliussap kingorna peqataaniarunnaarnermi akiliutip tamakkiisup 50%-ia akileqquneqassaaq. Pikkorissarnissap aallartinnissaanut ullut qulit sioqqullugit peqataaniarnani nalunaaraanni akiligassaq tamakkiisoq akileqquneqassaaq.
Malugiuk - Pingaarutilik: Peqataasussatut ikkunneqarumaarputit peqataajumallutik nalunaartut tulleriiaarnerat naapertorlugu. Tassa imaappoq nalunaaqqaartut siulliussapput. Amerlanerpaamik peqataasinnaapput inuit 18-it. Ikinnerpaamik inuit 10-t.
Tassalu qulinit ikinnerusut nalunaarsimappata ilinniartitaaneq ingerlanneqassanngilaq kinguartinneqarlunilu.
* Skal udfyldes
