Forvaltningshøjskolen Danmark-imiittoq suleqatigalugu Niuernermik Ilinniarfiup ilinniarnermik nangitsineq nutaavik neqeroorutigaa—Inatsisilerinermi Sullissisutut Ilinniarneq—atuagarsorluni ilinniarneq aamma suliamik sungiusarluni ilinniarneq— 2008-p aallartinneraniit.

Ilinniartitaanerup siunertaa

Inatsisilerinermi Sullissisutut Ilinniarneq (JUSA) – atuagarsorneq – ilinniarnermik nangitsinikkut piginnaalersitsinermik aaqqissuussinerup inersimasunut sammititap ilagaa.

Ilinniartitaanerup siunertaraa ilinniartut pisortani ingerlatsiviit iluini inuttut sulinermikkullu piginaasaannik pitsanngorsaanissaq. Tamanna pissaaq allaffissornermut tunngasuni atuagarsornikkut itinerusumik paasisimasaqalersinnerisigut, kiisalu atuagarsornikkut ilisimasaminnik sulinerminni atuisinnaalernissaannut periutsinik ilisimasaqalersinnerisigut, taamaalillutillu suliassat assigiinngiiaartut ajornartoorfiusut ingerlateqqinnissaannut isorinnissinnaassuseqarlutik paasiniaaqqissaarnissamut, nalilersuinissamut naammassinninnissamullu piginnaaneqalerlutik.

Ilinniartitaanermi anguniagaq

Ilinniagaqareernermi ilinniartut namminneerlutik, eqqarsaasersorlutik piumassuseqarluarlutillu pisortat ingerlatsiviini, sullivinni kattuffinnilu kiisalu aamma sulliviit iluini avammullu attaveqatigiinermi suleqatigiinnermilu peqataasinnaalissapput.

Ilinniartitaanerup qaffasissusaa

Ilinniartitaanermi atuartitsissutit qaffasissumik ilinniarnerup akunnattup naligai, tassani ilaallutik suliffimmut atasumik bachelorisut ilinniagaqarneq aamma bachelorisut ilinniagaqarneq.

Inatsisilerinermi Sullissisutut Ilinniarnermik – Atuagarsorluni – naammassinnissimasoq pisinnaatitaavoq taaguut pisortat ingerlatsiviinut allagartalik atussallugu.

Qinnuteqartoq minnerpaamik ukiuni marlunni sulisimassaaq ilinniarnermut isernissamut piumasaqaataasumik ilinniagarisimasami kingorna.

Qinnuteqartut STI-mik ilinniakkamik tunulequtaqartut tassungalu attuumassutilimmik ukiuni marlunni suliffimmik misilittagaqartut isernissamut piumasaqaatit naammassisinnaavaat Ammaassisoq—Administrationslinien aqqutigalugu pikkorissaqqissimagunik.

Niuernermik Ilinniarfik qinnuteqartunik, isernissamut piumasaqaatinik taakkuinnik naammassinnissimanngitsunik, nalilersuinerillu ataasiakkaat naapertorlugit ilinniakkatigut piumasarisanik tunulequtaqartutut isigineqartunik, tigusisinnaavoq.

Ilinnialernissamut piumasaqaatit

Ilinniartitaanermut – atuagarsornermut – isernissamut piumasaqaataavoq qinnuteqartup minnerpaamik bachelorisut naammassisimanissaa, tassani ilaallutik suliffimmut atasumik bachelorisut ilinniarsimaneq, ilinniagaqarneq naleqquttoq minnerpaamik nangittumik ilinniarsimanermut naatsumut assingusoq (tamakkununnga ilaavoq EVU), imaluunniit nangittumik ilinniagaqarneq pissusissamisut ingerlanneqarsimasoq.

Qinnuteqartoq isissutaasinnaasumik ilinniagaqareernermi kingorna minnerpaamik ukiuni marlunni suliffeqarsimassaaq.

Niuernermik Ilinniarfiup Danmarks Forvaltningshøjskole isumasioriarlugu qinnuteqartut isernissamut piumasaqaatinik taakkuinnik naammassinnissimanngitsut akuerisinnaavai, ataasiakkaatigut naliliinerit naapertorlugit piumasaqaatinut naleqqussinnaasutut isigineqaraangata.

Ilinniartitaanerup sivisussusaa

Inatsisilerinermi Sullissisutut Ilinniarneq - atuagarsorluni – ukiuni marlunni piffissap ilaani ilinniarnertut ingerlanneqarsinnaavoq.

Ilinniartitaanerup ilusaa

Ilinniarneq modulikkaartuuvoq modulinullu pinngitsoorani pisassanut tallimanut avitaalluni inaarutaasumillu suliassamik naammassinniffiulluni.

Modulit pinngitoorani pisassat

Inuiaqatigiinnik ilisimatusarnermi atuagarsorneq periutsillu, tassani ilaallutik aallarniutaasumik ilisarititsinerit– katillugit nal. ak. 98

Modulit ataasiakkaat tamarmik soraarummeernermik naggaserneqartassapput. Soraarummeernermi periutsit modulini tamani assigiinngitsut atorneqassapput.

Modulit pinngitsoorani pisassat peqataaffigineqarsimassapput inaarutaasumik suliaqalinnginnermi.

Inaarutaasumik suliap siunertaraa ilinniagaqartut atuagarsornikkut ilisimasaminnik paasiniaaqqissaarnermut suliatigullu ajornartoorfinnut atuisinnaanerminnik ineriartortitseqqinnissaat.

Inaarutaasumik suliaq oqalulluni soraarummeernermi illersorneqassaaq, tamannalu ilinniartut ataasiakkaarlutik ingerlatissavaat.

ECTS-point-it

Inatsisilerinermi Sullissisutut Ilinniarneq—atuagarsorneq—ilinniarnertuup ukiumut suliarisinnaasaanut naatsorsugaavoq, katillugit 60 ECTS-pointit.

Ilinniartitaanerup ilusaa

Modul 1—sivisussuseqarpoq sap. ak. 1

Qaammatit 2 nammineq ilinniarnermut suliassanullu

Modul 2—sivisussuseqarpoq sap. ak. 2

Qaammatit 4 nammineq ilinniarnermut suliassanullu

Modul 3—sivisussuseqarpoq sap. ak. 2

Qaammatit 3 nammineq ilinniarnermut suliassanullu

Modul 4—sivisussuseqarpoq sap. ak. 2

Qaammatit 4 nammineq ilinniarnermut suliassanullu

Modul 5—sivisussuseqarpoq sap. ak. 2

Qaammatit 3 nammineq ilinniarnermut suliassanullu

Modul 6—sivisussuseqarpoq sap. ak. 1

Qaammatit 2 inaarutaasumik suliassamut

Naammassilluni soraarummeerneq inaarutaasumik suliaq pillugu

Modulit imarisaat

Modul 1

Inuiaqatigiinnik ilisimatusarnermi atuagarsorneq periutsillu pillugit aallarniutaasumik ilisarititsineq

Modul 2

Inuiaqatigiinnik ilisimatusarnermi atuagarsorneq periutsillu

Innuttaasunik sullissinermi inuup pissusaanik ilisimasat

Pisortani aningaasatigut ingerlatsineq

Modul 3

Inuiaqatigiinnik ilisimatusarnermi atuagarsorneq periutsillu

Innuttaasunik sullissinermi inuup pissusaanik ilisimasat

Pisortani aningaasatigut ingerlatsineq

Modul 4

Soraarummeerneq Innuttaasunik sullissinermi inuup pissusaanik ilisimasat

Inatsisit ingerlatsinermut tunngasut

Inatsisilerinermi periutsit

Pisortani aningaasatigut ingerlatsineq

Modul 5

Soraarummeerneq Pisortani aningaasatigut ingerlatsineq

Inatsisit ingerlatsinermut tunngasut

Inatsisilerinermi periutsit

Modul 6

Soraarummeerneq Inatsisit ingerlatsinermut tunngasut aamma

Inatsisilerinermi periutsit

Inaarutaasumik suliamik aallartitsineq

Naammassineq

Naammassilluni soraarummeerneq Inaarutaasumik suliaq pillugu

Akia

Inatsisilerinermi Sullissisutut Ilinniarneq akeqanngilaq. 

Tassalu pikkorissarnermut akiliuteqartoqassanngilaq.

Ilinniarnerup aallartinnissaa

Ilinniarneq modul 1-imik aallartissaaq – ATUAGARSORNEQ – 18. – 22. februar 2008. 

Modul 2  29. 09.08 - 10. 10.08

Modul 3 26.01.09 - 06.02.09

Modul 4 20.04.09 - 01.05.09

Modul 5 31.08.09- 11.09.09

Modul 6 31.11.09 - 04.12.09