TNI-18
Uddannelsesnr. 100052
Sapaatit akunnerini 18-ni piareersarneq ilinniarnertuunut, ilinniakkanut immikkut sammivilinnut isissutaasinnaasoq pisiniarfinni, allaffinni, niuernermi imaluunniit aningaasaqarnermi
Siunertaa
TNI-18-ip ingerlanneqarnerata siunertaraa sammisani aammalu inuttut piginnaasassat ukiuni 2-ni immikkut sammivilimmik ilinniartitaanermut isersinnaalernissamut pisariaqartut anguneqarnissaat qulakkiissallugu.
Piareersarnerup tamarmiusup siunertaraa:
- sammisani aammalu inuttut piginnaasat suliffeqarfiit kissaataannut tulluuttut siuarsarnissaat
- ilisimasat, sapinngisat aammalu piginnaasat ineriartortissallugit nammineerluni suliassat naliginnaasut piareersarlugillu ingerlannissaannut piareersarnerup iluani
- siunissami atorfittaarnissamut tunngaviliinissaq
TNI-18 piareersarnerup imaa
TNI-18 –ip ingerlannerani, ataqatigiissumik ilinniartitsineq pingaartinneqarpoq, illit nammineq piareersarnerup ingerlanerani aalajangeeqataasinnaallutillu akisussaaqataavutit.
Sammisat pinngitsoorani pisassat makku ilinniartitsissutigineqassapput:
- Inuussutissarsiutit aningaasaqarnerat (niveau C)
- Tuniniaaneq aamma Sullissineq (niveau C)
- IT (niveau C)
- Sulisoqarnermut ilisarititsineq
- Immikkut sammisaq
Sammisat aalajangersimasut saniatigut aamma nammineq toqqakkanik sammisassaqarpoq. Taakkulu ilisaritereernerup kingorna toqqarneqassapput. Makku toqqarneqarsinnaapput (allannguuteqarsinnaapput):
- Psykologi, attaveqaqatigiinneq aamma sullissineq
- Oqaatsit, kultur-i aamma nunat tamalaat akornanni niuerneq
- Suliffimmik pilersitsineq
- Avatangiisit amma pisuussutit
- Ussassaarineq aamma nittarsaassineq
- Ingerlasussanik piareersaaneq aqutsinerlu (Logistik)
- Suliassaq Inuussutissarsiutinut tunngasoq (Erhvervscase)
Ukiuni 2 -ni immikkut sammisaqarneq
TNI-18 naammassereerneratigut ukiuni 2-ni immikkut sammisaqarluni ingerlaqqittoqarsinnaalissaaq, ilinniarfimmiinneq ilinniakkamullu tulluuttumik akuerisaasumik suliffimmiinnermik paarlakaallugit aammalu Kalaallit Nunaanni imaluunniit Qallunaat nunaanni ilinniarfimmiinneq, immikkut ilinniarniakkap suunera apeqqutaalluni.
Immikkut ilinniarniakkat assigiinngitsorpassuusinnaapput, soorlu makku:
Immikkut ilinniakkat kalaallit nunaanni ingerlanneqarsinnaasut:
Allaffimmiunngorniarneq: Allaffimmi assistenti, .
Pisiniarfimmiunngorniarneq: Pisiniarfimmi assistenti.
Immikkut sammisat qallunaat nunaanni ingerlanneqarsinnaasut soorlu makku:
Angallanneq, inatsisilerituup allattaa, nassiussalerineq (spedition aamma shipping), tuniniaasoq, niuernermi assistenti, nakorsap allattaa, naasunik pinnersaasartoq, pinnersaasartoq, ingerlasussanik piareersaaneq aqutsinerlu (logistik), pisiniartartoq, tuniniaasartoq, tuniniaasartoq aalajangersimasumik sammivilimmik.
TNI-18–ip kingorna piginnaasat suliffeqarfinnit pisariaqartinneqartut pigilissavatit, inuussutissarsiummik toqqaanissarni atorluarsinnaasarnik. TNI-18-ni ingerlannerani aammalu immikkut sammisaqarnerni makkua sulissutigalugillu piginnaanerilersimassavatit:
Inuttut piginnaasat: allanik suleqateqarsinnaanerulerneq, paasissutissanik ujaasisinnaaneq, akisussaassuseqarluni periataarsinnaanermillu takutitsisinnaaneq.
Attaveqaqatigiinnermi aamma teknologi-mi piginnaasat: IT atorlugu sulisassaatit aammalu naammassisavit saqqummiunnissaannut sungiusarneqassallutit. Attaveqaqatigiinneq sammillugulu misissueqqissaassaatit, tigusisussaq aallaavigalugu.
Piginnaasassat inuiaqataanermut tunngasut: Inuiaqatigiit qallunaat ilisimasaqarfigilissavatit, politikki, eqqartuussiveqarneq aamma sulisoqarnermut.
Aningaasaqarnikkut piginnaasassat: Namminerisamik aningaasaqarneq ilinniassavat, suliffeqarfiup aningaasaqarnera, inuiaqatigiit aningaasaqarnerat aammalu nunat tamalaat akornanni aningaasaqarneq.
Nunat tamalaat akornanni kulturikkullu piginnaasassat: Oqaatsit kulturi-lu ilisimasaqarfigilissavatit.
Niuernikkut sullissinikkullu piginnaasassat: Namminersorluni inuussutissarsiutilinnut pisortalluunniit suliffeqarfiutaannut piukkunnnarsassaatit.
Ilinniartunut ataasiakkaannut piginnaasassat taakku:
-
Sammisatigut inuttut sapinngisat qaffassarneqassapput, suliffeqarfiit piumasaannut sakkortusigaluttuinnartunut naapertuuttut
-
Pilersaarusiorsinnaanermut namminerlu ilinniakkap iluani suliassaqarfiit ineriartortinneqassapput
-
Siunissami atorfininnissamut toqqammavissanik pilersitsissapput
Tigutinnissamut piumasaqaqaatit
Niuernermik Ilinniarfimmi TNI-18-mut peqataaniaraanni GU-mi naammassisimasariaqarpoq.
Ilinniarnertuut HHX-mi eksamen-ereersimasut immikkut sammisassanut toqqaannartumik isersinnaapput.
Qinnuteqarnissamut immersugassaq Niuernermik Ilinniarfimmut piniarneqarsinnaavoq imaluunniit kommunemi ilinniartitaanermut siunnersortimut.
Qinnuteqarfissaq kingulleq: januaari-ip 2010.
Aningaasaqarneq
TNI-18 –mi piareersartussat ilinniarnermorsiaqartinneqassapput.
TNI-18 –i ukiuni marlunni immikkut sammisaqarnissamut isissutaasinnaavoq taannalu paarlakaallugit ilinniarfimmiinnernik ilinniakkamullu tulluuttumik akuerisaasumik suliffeqarfimmiinnernik aaqqissuunneqarsimavoq, ilinniarfimmiinnerit kalaallit nunaanni qallunaalluunniit nunaanni ingerlanneqartassapput. Ilinniartup suliffimmi ilinniarnerata nalaaniitillugu ilinniartup aningaasarsiassai suliffeqarfiup akilertassavai isumaqatigiissutit atuuttut naapertorlugit.
Immikkut sammisaqarluni ilinniarneq naliginnaasumik august-imi aallartittassaaq. Piareersarnerup ingerlanerani periarfissannik paasitinneqartarumaarputit.
Sumiiffik aammalu –aallartinnissaq
Piareersarneq Niuernermik Ilinniarfimmi Nuummiittumi ingerlanneqassaaq ilinniartitsisut pikkorissut sullarissullu ilinniartitsisoralugit sunniisinnaassusillit siunnersuisinnaasullu.
TNI-18 piareersarneq aallartissaaq januaari-ip 2010.
Paasissutissat sukumiinerusut
Paasissutissat sukumiinerusut pineqarsinnaapput uunga sianerluni +299 32 30 99
imaluunniit e-mail: ninuuk@ninuuk.gl
Uani aajuk TNI-18 quppersagaq
|
