NI-2
Akademiuddannelse
Uddannelsesnr. 358011
Sunaana NI-2, Akademiuddannelse (Qaffasinnerusumik Niuernermik Ilinniartitaaneq)?
Ilinniartitaaneq Akademiuddannelse tassaavoq ukiut marluk ingerlanerani nikerartumik ilinniartitaaneq, ilinniarfimmi aamma suliffeqarfimmi ilinniartoq paarlakaallugit ilinniartassaaq. Akademiuddannelse taanna ilisimaneqarluartoq merkonomitut ilinniarneq paarlappaa.
Immikkut sammisat marluusut aallaavigalugit qinaasisoqassaaq:
- Nunani tamani niuerneq, nittarsaasseriaatsillu
- Aningaasaqarniarneq pisuussutinillu aqutsineq
Nunani tamani niuerneq, Nittarsaariaatsillu
Nunani tamani niuerneq imaqarpoq soorlu nioqqutissanik tunisassiorneq, suliffeqarfiit aaqqissugaanerat, nittarsaasseriaatsit aammattaaq Speciale-liorneq kiisalu Inaarutaasumik misilitsissutissamik projekt-iliorneq.
Ukunani qinaasisoqarsinnaavoq: Inuussutissarsiutitsigut aningaasarsiorneq, Kisitsisit atorlugit nassuiaaneq (Statistik) aamma Ingerlasussanik piareersaaneq aqutsinerlu (Logistik).
Uani qallunaatut naqitaq ilinniartitaanerup aaqqissugaanera studieordning aasinnaavat.
Aningaasanik aqutsineq, pisuussutinillu aqutsineq
Aningaasanik aqutsineq, pisuussutinillu aqutsineq qineraanni ilaatigut makku sammisassani pisassaapput: inuussutissarsiutitigut aningaasarsiorneq, suliffeqarfiit aaqqissugaaneri, aningaasaqarnermik aqutsineq, pisuussutinik aqutsineq aamma Speciale-liorneq kiisalu Inaarutaasumik misilitsissutissamik projekt-iliorneq. Sammisassani qinigassani ukunani ilinniartitsisoqassaaq:
Kisitsisit atorlugit nassuiaaneq (Statistik) aamma Ingerlasussanik piareersaaneq aqutsinerlu (Logistik).
Uani qallunaatut naqitaq ilinniartitaanerup aaqqissugaanera studieordning aasinnaavat.
Tiguneqarnissamut piumasaqaatit
Akademiuddannelse-mut ilisimatusalernialeruit tiguneqarnissamut piumasaqaataavoq Ilinniarnertuunngorniarfimmi, EVU-miluunniit aningaasarsiorneq/aqutsineq naammassisimanissaq aammattaaq suliffeqarfik akuerisaq atorfinitsinneqarnissamik isumaqatigiissuteqarfigereersimanissaa.
Qinnuteqartut, maannagaaq suliffeqarfimmi atorfillit, suliffeqarfiup ilinniarnermut akisussaasua peqatigalugu oqaloqatigiissutigisariaqaraluarpaat periarfissat pillugit.
Qinnuteqarneq pissaaq immersuinikkut, Niuernermik Ilinniarfimmut saaffiginninnikkut pissarsiarineqarsinnaavoq imaluunniit kommuneqarfippit ilinniarnermut siunnersortianut. Qinnuteqarfissaq kingulleq tassaavoq 15. April.
Akissarsiatigut atorfeqarnikkullu atugassarititat
Ilinniartoq suliffeqarfimmiinnermini inatsisit atuuttut naapertorlugit akissarsiaqartinneqassaaq, aammattaaq ilinniagaqarnersiuteqartoqarsinnaavoq ilinniarfimmiinnerup nalaani, piffissami ilinniartoq akissarsiaqartinneqanngippat.
Siunissami periarfissat
Akademiuddannelse-tut naammassisimagaanni „de danske diplomuddannelser“ iserfigineqarsinnaapput, tassanilu periarfissaqarluni HD 2. Del-imingaanniik aallartissinnaaneq.
Malugiuk: HD 2. del-imi ilinnialerniaraanni, fag-ip modulikkaartup Statistik-ip (kisitsisit atorlugit nassuiaaneq) saniatigut aamma fag-it modulikkaartut Erhvervsret, Global Økonomi-milu pineqassammata. Eqqarsaatigaarput fag-it modulikkaartut taakku Niuernermik Ilinniarfiup pikkorissartarnermut immikkoortortaqarfianit neqeroorutiginiarlugit Nuuk.
Ilinniarfiup sumiinnera, aallartinnissarlu
Ilinniartitaaneq Niuernermik Ilinniarfimmi Nuummiittumi ingerlanneqartarpoq.
Ilinniartup illoqarfigisaani suliffeqarfimmiinneq pisinnaavoq.
Nuummi ilinniarfimmiinneq ilinniartullu illoqarfigisaanut angalasarnerit ilinniartitaanerup aaqqissugaanerata akilissavai.
Ilinniartitaaneq august-imi aallartsittarpoq.
Paasissutissat
Paasissutissat annertunerusut paasiniarneqarsinnaapput Per Thomsen-imut saaffiginninnikkut, Ilinniartitaanermi Akademiuddannelse-mut ataqatigissaarisoq, Niuernermik Ilinniarfik, postboks 1038, 3900 Nuuk, oqarasuaat 34 25 54 imaluunniit pt@ninuuk.gl
|
