Pisiniartitsisunngorniarneq, immikkuullarissumik sammivilimmik
TNI - Tunngaviusumik Niuernermik Ilinniartitaaneq,
Immikkuullarissumik sammivilimmik pisiniartitsisunngor-niarneq 222032
Ilinniarfik: Niuernermik Ilinniarfik Nuummi aamma Qaqortumi
(Nunap immikkoortuini ilinniarfiit Qaqortumi, Nuummi, Sisimiuni Ilulissanilu)
Danmarkimi Niuernermik Ilinniarfik
TNI-mi ilinniartitaaneq ” Immikkuullarissumik sammivilimmik pisiniartitsisunngorniarneq” sivi-kinnerpaamik ukiunik sisamanik sivisussuseqarpoq, sulillunilu sungiusarnertaa tamakkerluni kiisalu ukiut siulliit pingasut ilinniarfimmiinnertaa Kalaallit Nunaanni ingerlanneqartarlutik. Immikkut sammivilimmik atuarfimmiinnertai ukiut atuarfiusussat sisamassaanniit Danmarkimi ingerlanneqar-tarput, apeqqutaallunilu atuarfiup Qallunaat Nunaanniittup qanoq pilersaarusiorsimanera imaassin-naavoq ilinniarneq ukiunit sisamanit sivisunerusoq immaqa allaat ukiut tallimat qaninnerullugit.
Suliassat
Pingaartumik niuertarfinni nioqqutissanik aalajangersimavissunik nioqqutilinni atorfinittoqartarpoq (tak. ataani ”immikkuullarissumik sammiviit” ataaniittut).
Ilinniartitaanerit tassunga assingusut
TNI Ulluinnarni nioqqutissanik niuertitsisunngorniarneq (222012)
Immikkuullarissumik sammiveqanngitsumik pisiniarfimmiunngorniarneq (222042)
TNI-mi ilinniartitaanerit allat
Tiguneqarnissamut
Namminersornerullutik Oqartussat piumasaqaataat
Ilinniagassat kalaallisoorneq, qallunaatoorneq, tuluttoorneq aamma kisitsineq / matematikki taa-maasa immikkut minnerpaamik karakteerimik 7-mik ukiumoortumik misilitsinnermilu karakteere-qarfigalugit Meeqqat Atuarfiannit 11. klassimit misilitsereerluni anisimanissaq
imaluunniit
inuussutissarsiutinik ilinniartitaanerni aallarnisaatitut paasissutissiivigineqarnerit akuerisaasut naammaginartumik angusaqarluni naammassisimanissaat.
Qinnuteqartoq piumasaqaatinik qulaani taaneqartunik angusisimanngitsoq Niuernermik Ilinniarfiit Qitiusumi Tigusinissamut Ataatsimiititaliaannit tamakkiisumik nalilersuiffigineqareerluni tigune-qarsinnaavoq.
Qinnuteqartup ilinniarnissamut isumaqatigiissut ilinniarfiusussamut akuerisaasumut kingusinner-paamik 1. september atsioqatigiissutigisimassavaa, tassa naatsorsuutigineqarpat ilinniartup ukiumi tassani ilinniarfimmiinnissani siulleq oktobarimi aallarnissagaa – tak. ”tigussaasumik paasissutis-sat”-ni ataani allassimasut.
Ilinniarnerup katitigaanera imarisaalu
Ilinniarnerup ingerlanerani sulilluni sungiusarnerit ilinniarfimmiinnerillu sinnerseraatsinneqassap-put. Ilinniartuuffimmi ilinniarnissaq minnerpaamik piffissanut arfineq pingasunut immikkoortitaa-gaavoq (minnerpaamik sap.ak.-ni 130-ni sulinngiffeqarnerit ilanngullugit) aamma ilinniarfimmiit-tarnissat minnerpaamik arfineq marlunnut immikkoortitaagaallutik (minnerpaamik sap.ak.-nut 77-nut). Ilinniarfimmiinnissat sisamat siulliit Niuermik Ilinniarfinni Nuummiittumi imaluunniit Qaqor-tumiittumi imaluunniit Nunap Immikkoortuini Ilinniarfinni Ilulissaniittumi, Nuummiittumi ima-luunniit Qaqortumiittumi ingerlanneqartassapput. Ilinniarfimmiinnissat tulliuttut marluk Qaqortumi Niuernermik Ilinniarfimmi ingerlanneqassapput. Kingulliit – sammivimmut atatillugu ilinniarfim-miinnissat – Danmarkimi Niuermik Ilinniarfimmi ingerlanneqartassapput.
Ilinniartitaaneq aallarnerneqartassaaq Najukkami Inuussutissarsiutinut Ilinniarfimmi sumiiffigisami sapaatit akunnerini 2 – 4-ni aallarnisaatitut paasissutissiivigineqarnermik. Aallarnisaatitut paasissu-tissiivigineqarneq pinngitsoorani ilaaffigisassaavoq augustillu aallaqqaataani aallarnerajuttarluni.
Sulilluni sungiusarnerup nalaani suliffeqarfimmiittoqartassaaq Immikkuullarissumik sammivilim-mik pisiniartitsisunngorniarnermik ingerlatsinissamik akuerisaasumi – soorlu:
- Annoraamineerniarfinni
- Sanaartornermi atortussaarniarfinni, sakkuutaarniarfinni, atortussaarniarfinni
- Atuagaarniarfinni
- Innaallagissanut atortussaarniarfinni aamma nillartaartitsivinnik assigisaannillu nioqquteqarfinni
- Assiliiveerniarfinni
- Guultinik, siilvinik nalunaaquttanillu nioqquteqarfinni
- Pinnguaarniarfinni aamma sunngiffimmi sammisanut nioqquteqarfinni
- Pequtaarniarfinni
- Radionik/TV-nik assigisaannillu nioqquteqarfinni
- Nipilersuutaarniarfinni, videonik softwarenillu nioqquteqarfinni
- Skuuerniarfinni amernillu atortussaarniarfinni
- Timersuutaarniarfinni sunngiffimmilu atortakkanik nioqquteqarfinni
(Katillugit immikkuullarissumik sammiviit 24-it Danmarkimi nassaassaapput)
Ilinniarfinniinnerni atuartitsissutigineqartassapput tunngaviusumik ilinniagassat, ilinniagassat sam-mivinnut assigiinngitsunut tunngatitaasut, nammineq toqqarlugit ilinniagassat kiisalu sammivigalu-gu ilinniarniakkamut ilinniagassat.
Tunngaviusumik ilinniagassat inuussutissarsiutinik tunngaviusumik ilinniartitaanernut tamanut ataatsimoorussassaapput. TNI-mi atuartitsissutissaatitaapput tunngaviusumik ilinniagassat tassaasut kalaallisoorneq, qallunaatoorneq, tuluttoorneq, inuussutissarsiutit aningaasaqarnerat, inuiaqatigiile-rineq, IT/EDB aamma tuniniaaneq/sullissineq.
Ilinniagassat sammivinnut tunngatitaasut taamaallaat TNI-mi ilinniarnernut tunngasuupput tassaal-lutillu studieteknik, psykologi/sullissineq, allaffissorneq/suliassanik suliarinnittarneq, allagarsiissu-tit / allagartassaliorneq, logistik, avatangiisit/nukissat, aallarnisaaneq, niuernermik ilisimasaqarnis-saq, nioqqutissanik saqqummiusseriaaseq, kulturimik paasinninneq aamma silarsuarmioqatigiit niueqatigiinnerat.
Nammineq toqqagassanut tunngasut suli aalajangiunneqavissimanngillat (september 2002).
Sammivimmi ilinniakkat tassaapput ilinniagassat ilinniagassatut – sammivissatut - toqqarsimasap sulillunilu sungiusagarisap toqqartumik isumannaarsiviginiarneqarnera. Immikkuullarissumik sammivilimmik pisiniartitsisunngorniarnermi sammivigalugit ilinniagassat qallunaat Niuernermik Ilinniarfiinni aalajangersarneqartarput.
Ilinniagaqaqqinnissamut ilinniaqqinnissamullu periarfissat
Merkonom
Ilinniaqqiffissamik nutaamik Alloriarnermut taartaasussamik pilersitsineqassaaq.
Tigussaasumik paasissutissat
Ilinniartuuffissamut isumaqatigiissut / ilinniartuunissamut isumaqatigiissut tunngavigalugu ukiup ingerlanerani sukkulluunniit ilinniarneq aallarnerneqarsinnaavoq. Ilinniarfimmiittarnissat aalajan-gersimasuummata augustusip aallaqqaataaniunngitsoq aallartinnerit tamarmik ilinniarnerup sivit-sorneqartarnissaanik kinguneqarajuttassapput.
Attaveqarfigineqarsinnaasut
Najukkami inuussutissarsiutinut ilinniarfik
Najukkami ilinniarnermut siunnersuisarfik
Niuernermik Ilinniarfik, Qaqortoq
Niuernermik Ilinniarfik, Nuuk
|
