Pisiniarfimmiunngorniarneq, ulluinnarni nioqqutissat
TNI - Tunngaviusumik Niuernermik Ilinniartitaaneq,
Pisiniarfimmiunngorniarneq ulluinnarni nioqqutissanik niuerneq sammivigalugu 222012
Ilinniarfik: Niuernermik Ilinniarfik Nuummi aamma Qaqortumi
(Nunap immikkoortuini ilinniarfiit Qaqortumi, Nuummi, Sisimiuni Ilulissanilu)
TNI-mi ilinniartitaaneq ” pisiniarfimmiunngorniarneq ulluinnarni nioqqutissanik niuerneq sammi-vigalugu” ukiunik sisamanik sivisussuseqarpoq, ilinniarfimmiinnerillu tamakkerlutik Kalaallit Nu-naanni ingerlanneqartarlutik.
Suliassat
Pingaartumik niuertarfinni ulluinnarni nioqqutissanik nioqqutilinni atorfinittoqartarpoq.
Ilinniartitaanerit tassunga assingusut
TNI Immikkuullarissumik sammivilimmik pisiniarfimmioq (222032)
Immikkuullarissumik sammiveqarani pisiniarfimmioq (222042)
TNI-mi ilinniartitaanerit allat
Tiguneqarnissamut
Namminersornerullutik Oqartussat piumasaqaataat
Ilinniagassat kalaallisoorneq, qallunaatoorneq, tuluttoorneq aamma kisitsineq / matematikki taa-maasa immikkut minnerpaamik karakteerimik 7-mik ukiumoortumik misilitsinnermilu karakteere-qarfigalugit Meeqqat Atuarfiannit 11. klassimit misilitsereerluni anisimanissaq
imaluunniit
inuussutissarsiutinik ilinniartitaanerni aallarnisaatitut paasissutissiivigineqarnerit akuerisaasut naammaginartumik angusaqarluni naammassisimanissaat.
Qinnuteqartoq piumasaqaatinik qulaani taaneqartunik angusisimanngitsoq Niuernermik Ilinniarfiit Qitiusumi Tigusinissamut Ataatsimiititaliaannit tamakkiisumik nalilersuiffigineqareerluni tigune-qarsinnaavoq.
Naatsorsuutigineqarpat ilinniartup ukioq taanna siullermeerluni atuarfimmiinnissani aallarnissagaa kingusinnerpaamik 1. september qinnuteqartup ilinniartuuffissani akuerisaasoq ilinniarnissamut isumaqatigiissummik atsioqateqarfigisimassavaa.
Ilinniarnerli sukkulluunniit aallarnerneqasinnaavoq. Tamatuma kingunerigajuttassavaa ilinniarnerup sivisunerunissaa – tak. ”tigussaasumik paasissutissat” pillugit ataani allassimasut.
Ilinniarnerup katitigaanera imarisaalu
Ilinniarnerup ingerlanerani sulilluni sungiusarnerit ilinniarfimmiinnerillu sinnerseraatsinneqassap-put. Ilinniartuuffimmi ilinniarnissaq piffissanut arfineq pingasunut immikkoortitaagaavoq (sap.ak. 130-it sulinngiffeqarnissaq ilanngullugu) aamma ilinniarfimmiittarnissat arfineq marlunnut immik-koortitaagaallutik (sap.ak. 77-it). Ilinniarfimmiinnissat sisamat siulliit Niuermik Ilinniarfinni Nuummiittumi imaluunniit Qaqortumiittumi imaluunniit Nunap Immikkoortuini Ilinniarfinni Ilulis-saniittumi, Nuummiittumi imaluunniit Qaqortumiittumi ingerlanneqartassapput. Ilinniarfinniinnis-salli kingulliit pingasut tamatigut Niuernermik Ilinniarfimmi ingerlanneqartassallutik.
Ilinniartitaaneq aallarnerneqartassaaq Najukkami Inuussutissarsiutinut Ilinniarfimmi sumiiffigisami sapaatit akunnerini 2 – 4-ni aallarnisaatitut paasissutissiivigineqarnermik. Aallarnisaatitut paasissu-tissiivigineqarneq pinngitsoorani ilaaffigisassaavoq augustillu aallaqqaataani aallarnerajuttarluni.
Ilinniarfinniinnerni atuartitsissutigineqartassapput tunngaviusumik ilinniagassat, ilinniagassat sam-mivinnut assigiinngitsunut tunngatitaasut, nammineq toqqarlugit ilinniagassat kiisalu sammivigalu-gu ilinniarniakkamut ilinniagassat.
Tunngaviusumik ilinniagassat inuussutissarsiutinik tunngaviusumik ilinniartitaanernut tamanut ataatsimoorussassaapput. TNI-mi atuartitsissutissaatitaapput tunngaviusumik ilinniagassat tassaasut kalaallisoorneq, qallunaatoorneq, tuluttoorneq, inuussutissarsiutit aningaasaqarnerat, inuiaqatigiile-rineq, IT/EDB aamma tuniniaaneq/sullissineq.
Ilinniagassat sammivinnut tunngatitaasut taamaallaat TNI-mi ilinniarnernut tunngasuupput tassaal-lutillu studieteknik, psykologi/sullissineq, allaffissorneq/suliassanik suliarinnittarneq, allagarsiissu-tit / allagartassaliorneq, logistik, avatangiisit/nukissat, aallarnisaaneq, niuernermik ilisimasaqarnis-saq, nioqqutissanik saqqummiusseriaaseq, kulturimik paasinninneq aamma silarsuarmioqatigiit niueqatigiinnerat.
Nammineq toqqagassanut tunngasut suli aalajangiunneqavissimanngillat (september 2002).
Sammivimmi ilinniakkat tassaapput ilinniagassat ilinniagassatut toqqarsimasap sulillunilu sungiu-sagarisap toqqartumik isumannaarsiviginiarneqarnera.
Sammivigisamut ”ulluinnarni nioqqutissanik niuerneq”-mut ilaatinneqassapput pisiniarfiup pisiniar-tuinut, nioqqutissaataanut, paasissutissiisarneranut aningaasaqarneranullu tunngassuteqartut kiisalu nioqqutissanik makkuninnga ilisimasaqarnissaq: Nioqqutissat panertut (qajuusat / qillertuusarmiut il.il.), immiaaqqat / imeruersaatit /safti / juice, iffiat /kaagit, nillataartitsineq / qerisut / immuit, paar-nat / naatitat, errorsineq / eqqiaaneq, inuttut peqqissaarunneq, viinnit / imigassat kimittuut / tubat, isenkram, radio /TV aamma atisat.
Ilinniagaqaqqinnissamut ilinniaqqinnissamullu periarfissat
Merkonom
Ilinniaqqiffissamik nutaamik Alloriarnermut taartaasussamik pilersitsineqassaaq.
Tigussaasumik paasissutissat
Ilinniartuuffisamut isumaqatigiissut / ilinniartuunissamut isumaqatigiissut tunngavigalugu ukiup ingerlanerani sukkulluunniit ilinniarneq aallarnerneqarsinnaavoq. Ilinniarfimmiittarnissat aalajan-gersimasuummata augustusip aallaqqaataaniunngitsoq aallartinnerit tamarmik ilinniarnerup sivit-sorneqartarnissaanik kinguneqartartussaassapput.
Attaveqarfigineqarsinnaasut
Najukkami inuussutissarsiutinut ilinniarfik
Najukkami ilinniarnermut siunnersuisarfik
Niuernermik Ilinniarfik, Qaqortoq
Niuernermik Ilinniarfik, Nuuk
|
