Nakorsamut allatsinngorniarneq
TNI - Tunngaviusumik Niuernermik Ilinniartitaaneq,
Nakorsamut allatsinngorniarneq 222011
Ilinniarfik: Niuernermik Ilinniarfik Nuummi aamma Qaqortumi
(Nunap immikkoortuini ilinniarfiit Qaqortumi, Nuummi, Sisimiuni Ilulissanilu)
Danmarkimi Niuernermik Ilinniarfik
TNI-mi ilinniartitaaneq ”Nakorsamut allatsinngorniarneq” sivikinnerpaamik ukiunik tallimanik sivisussuseqarpoq, sulillunilu sungiusarnertaa tamakkerluni kiisalu ukiut siulliit pingasut ilinniar-fimmiinnertaa Kalaallit Nunaanni ingerlanneqartarlutik. Immikkut sammivilimmik atuarfimmiin-nertai ukiut atuarfiusussat sisamassaanniit Danmarkimi ingerlanneqartarput, apeqqutaallunilu atuar-fiup Qallunaat Nunaanniittup qanoq pilersaarusiorsimanera imaassinnaavoq ukiunik tallimanik sivi-sussuseqartoq.
Suliassat
Pingaartumik napparsimavissuit / napparsimaviit allaffiinni atorfinittoqartarpoq.
Ilinniartitaanerit tassunga assingusut
TNI Allaffimmiunngorniarneq (222022)
TNI-mi ilinniartitaanerit allat
Tiguneqarnissamut Namminersornerullutik Oqartussat piu-masaqaataat
Ilinniagassat kalaallisoorneq, qallunaatoorneq, tuluttoorneq aamma kisitsineq / matematikki taa-maasa immikkut minnerpaamik karakteerimik 7-mik ukiumoortumik misilitsinnermilu karakteere-qarfigalugit Meeqqat Atuarfiannit 11. klassimit misilitsereerluni anisimanissaq
imaluunniit
inuussutissarsiutinik ilinniartitaanerni aallarnisaatitut paasissutissiivigineqarnerit akuerisaasut naammaginartumik angusaqarluni naammassisimanissaat.
Qinnuteqartoq piumasaqaatinik qulaani taaneqartunik angusisimanngitsoq Niuernermik Ilinniarfiit Qitiusumi Tigusinissamut Ataatsimiititaliaannit tamakkiisumik nalilersuiffigineqareerluni tigune-qarsinnaavoq.
Qinnuteqartup ilinniarnissamut isumaqatigiissut ilinniarfiusussamut akuerisaasumut kingusinner-paamik 1. september atsioqatigiissutigisimassavaa, tassa naatsorsuutigineqarpat ilinniartup ukiumi tassani ilinniarfimmiinnissani siulleq oktobarimi aallarnissagaa – tak. ”tigussaasumik paasissutis-sat”-ni ataani allassimasut.
Ilinniarnerup katitigaanera imarisaalu
Ilinniarnerup ingerlanerani sulilluni sungiusarnerit ilinniarfimmiinnerillu sinnerseraatsinneqassap-put. Ilinniartuuffimmi ilinniarnissaq minnerpaamik piffissanut arfineq pingasunut immikkoortitaa-gaavoq aamma ilinniarfimmiittarnissat minnerpaamik arfineq marlunnut immikkoortitaagaallutik. Ilinniarfimmiinnissat sisamat siulliit Niuermik Ilinniarfinni Nuummiittumi imaluunniit Qaqortumiittumi imaluunniit Nunap Immikkoortuini Ilinniarfinni Ilulissaniittumi, Nuummiittumi imaluunniit Qaqortumiittumi ingerlanneqartassapput. Ilinniarfimmiinnissat tulliuttut marluk Nuummi imaluunniit Qaqortumi Niuernermik Ilinniarfimmi ingerlanneqassapput. Kingulliit – sammivimmut atatillugu ilinniarfimmiinnissat – Danmarkimi Niuermik Ilinniarfimmi in-gerlanneqartassapput.
Sulilluni sungiusarnermi napparsimavissuarmi imaluunniit napparsimavimmi ”nakorsamut allat-sinngorniarnermi” ilinniartitsinermik ingerlatsinissamut akuerisaasumiittoqartarpoq.
Ilinniartitaaneq aallarnerneqartassaaq Najukkami Inuussutissarsiutinut Ilinniarfimmi sumiiffigisami sapaatit akunnerini 2 – 4-ni aallarnisaatitut paasissutissiivigineqarnermik. Aallarnisaatitut paasissu-tissiivigineqarneq pinngitsoorani ilaaffigisassaavoq augustillu aallaqqaataani aallarnerajuttarluni.
Ilinniarfinniinnerni atuartitsissutigineqartassapput tunngaviusumik ilinniagassat, ilinniagassat sam-mivinnut assigiinngitsunut tunngatitaasut, nammineq toqqarlugit ilinniagassat kiisalu sammivigalu-gu ilinniarniakkamut ilinniagassat.
Tunngaviusumik ilinniagassat inuussutissarsiutinik tunngaviusumik ilinniartitaanernut tamanut ataatsimoorussassaapput. TNI-mi atuartitsissutissaatitaapput tunngaviusumik ilinniagassat tassaasut kalaallisoorneq, qallunaatoorneq, tuluttoorneq, inuussutissarsiutit aningaasaqarnerat, inuiaqatigiile-rineq, IT/EDB aamma tuniniaaneq/sullissineq.
Ilinniagassat sammivinnut tunngatitaasut taamaallaat TNI-mi ilinniarnernut tunngasuupput tassaal-lutillu studieteknik, psykologi/sullissineq, allaffissorneq/suliassanik suliarinnittarneq, allagarsiissu-tit / allagartassaliorneq, logistik, avatangiisit/nukissat, aallarnisaaneq, aningaasalersuineq, ingerlat-sineq, kulturimik paasinninneq aamma silarsuarmioqatigiit niueqatigiinnerat.
Nammineq toqqagassanut tunngasut suli aalajangiunneqavissimanngillat (september 2002).
Sammivimmi ilinniakkat tassaapput ilinniagassat ilinniagassatut toqqarsimasap sulillunilu sungiu-sagarisap toqqartumik isumannaarsiviginiarneqarnera. Nakorsamut allatsinngorniartunut immikkut ilinniagassat qallunaat Niuernermik Ilinniarfiinnit aalajangersarneqartarput.
Ilinniagaqaqqinnissamut ilinniaqqinnissamullu periarfissat
Merkonom
Ilinniaqqiffissamik nutaamik Alloriarnermut taartaasussamik pilersitsineqassaaq.
Tigussaasumik paasissutissat
Ilinniartuuffissamut isumaqatigiissut / ilinniartuunissamut isumaqatigiissut tunngavigalugu ukiup ingerlanerani sukkulluunniit ilinniarneq aallarnerneqarsinnaavoq. Ilinniarfimmiittarnissat aalajan-gersimasuummata augustusip aallaqqaataaniunngitsoq aallartinnerit tamarmik ilinniarnerup sivit-sorneqartarnissaanik kinguneqartartussaassapput.
Immikkut taasariaqartut
GU assigisaaluunniit imaluunniit STI-mi ilinniarneq naammassisimagukku nakorsamut allatsinn-gorniarnermut qinnuteqarsinnaavutit taamaallaat ilinniarsimasavit sammiviup taassuma ukiuinik kingullernik marlunnik ilaneqarnissaat anguniarlugu. Taamaattoqassappat taava ilinniarfimmiinnis-sat tamakkerlutik Danmarkimi ingerlanneqartassapput. Sulilluni sungiusarnertaa Kalaallit Nunaanni ingerlanneqartassaaq. Periarfissamut tassunga paasissutissat erseqqinnerusut Nuummi Niuernermik Ilinniarfimmut piniarneqarsinnaapput.
Attaveqarfigineqarsinnaasut
Najukkami inuussutissarsiutinut ilinniarfik
Najukkami ilinniarnermut siunnersuisarfik
Niuernermik Ilinniarfik, Nuuk
Niuernermik Ilinniarfik, Qaqortoq
|
