Aqqutissiuussinermik tunngaviusumik ilinniartitaaneq - VGU
Aqqutissiuussinermik tunngaviusumik ilinniartitaaneq inunnut ilinniarnissaq suliffeqalernissarlu siunertaralugit aqqutissiuussinermik suliaqartunut saaffiginnippoq.
- Saniatigooralugu ilinniarneruvoq
- Ukiumik ataatsimik sivisussuseqarpoq
- Qinnuteqarfissaq 15.maj 2008 nallertinnagu
Siunertaa
VGU aqqutissiuussinermut tunngaviusumik ilinniarneruvoq meeqqanik, inuusuttuaqqanik inersi-masunillu ilinnialernissaq suliffeqalernissarlu siunertaralugit aqqutissiuussinermik pitsanngorsaasussaq.
Ilinniartitaanerup anguniagaa tassaavoq:
- Peqataasut ilinnialernissamut suliffeqalernissamullu aqqutissiuussinerup atuagarsornertaanik suliassartaanillu ilisimasanik tuniorassallugit
- Peqataasut ilinniaqaqalernissamut suliffeqalernissamullu aqqutissiuussinermut sulinissaannut piginnaasaqalersissallugit, ilinniagaqalernissamut suliffeqalernissamullu aqqutissiuussinerup atugassarititani assigiinngitsuni kiisalu pisuni assigiinngitsuni ineriartortinneqarnera isummerfigissallugu.
- Peqataasut najugarisaminni aqqutissiuussinerup aaqqissuunneqarnerani ineriartortinneqarneranilu peqataanissaannut piginnaasaqalersissallugit.
Saaffigisat
Aqqutissiuussinermik ilinniartitaaneq meeqqanik, inuusuttuaqqanik inersimasunillu aqqutissiuussi-nermik suliaqartunut tamanut saaffiginnippoq. Tassa meeqqat atuarfiini, piareersarfinni, ilinniarner-tuunngorniarfinni, tunngaviusumik ilinniarfinni, ilinniaqqiffinni, suliffissarsiuussisarfinni, inunnik sullissivinni, pinerluuteqarsimasunik sullissivinni il.il. aqqutissiuussisunut. Atuartitaanermi atortut atorneqartut ilaannamininngui kalaallisut allagaapput, ilinniartitsisulli ataatsimik marluinnillu oqaase-qartuupput. Peqataasunut piumasaqaataavoq qarasaasiamik internettimillu atuisinnaanissaat.
Ilinniartitaanerup imarai:
Tunngaviusumik ingerlatsineq immikkoortunik marlunnik pikkorissarnertalik kiisalu nammineer-luni ilinniarnermik praktikkimillu ilalik. Aqqutissiuussinermik ilisimasaqarnissaq pingaartinneqarpoq. Tunngaviusumik ingerlatsinerup kingorna unittoqarsinnaavoq. Ilinniarneq taanna uppernarsaammik allagartartaarfiussaaq.
Immikkut sammisaqarneq nammineerluni ilinniarnermik praktikkernertalimmik, immikkoortumik pikkorissarfiusumik piffissamillu itisiliiffiusumik imaqarpoq. Siunniussimasaqarneq suliffeqarfinnillu ilisimasaqarneq pingaartinneqarput.. Naggataarutaasumik soraarummeertoqassaaq. Soraarummeernermi allagartaliisoqassaaq.
Sivisussusaa
Ilinniartitaaneq tamakkiisumik 420 tiiminik sivisussuseqarpoq piffissamilu august – juni ingerlanneqassalluni.
Aqqutissiuussinermik ilinniartitaaneq immikkoortunut pingasunut 80 tiimikkaartunut agguataarsimavoq.
Nammineerluni ilinniarnerit praktikkernertallit 120 tiiminik sivisussuseqarput namminerlu suliffigisami ingerlanneqassallutik. Taakkua saniatigut soraarummeerutissamik suliaqarnissamut 60 tiimit atorneqartussaapput.
Akia
Ilinniartitaanermut atortussanullu aningaasartuutit kiisalu angalanermut najugaqarnermullu aningaasartuutit ilinniartitaanerup akiligassarai.
Peqataasup sulisitsisuata peqataasup aningaasarsiai, ullormusiai aningaasartuutillu allat isumagissavai.
Nalunaarfissaq
Peqataanissamut nalunaarfissaq nassiunneqassaaq uunga: Vejledergrunduddannelsen
c/o Niuernermik Ilinniarfik, 3900 Nuuk
(immersugassaq atoruk) 15. maj 2008 nallertinnagu.
Malugiuk sulisitsisup akisussaaffigimmagu ilinniartup atuagarsornermi praktikkernermilu naammattumik piffissaqartinneqarnissaa. Piffissaq atugassaritinneqartoq katillugu 420 tiiminut tagginneqarsimavoq.
Uani makku aaneqarsinnaapput: Studieordning Uddannelseskalender Tilmeldingsblanket
Se også www.vejledning.gl .
Aqqutissiuussisut nutaat 10-t juni 2008-mi Aqqutissiuussisutut ilinniarnermik Kalaallit Nunaanni aqqutissiuussineq Pillugu Qitiusumik Sullivimmi naammassipput.
Aqqutissiuussisut 10-t nutaat juni 2008-mi pillugit tusagassiutinut nalunaaruk.
|
