Suleqatigiinnissamut periarfissat

Suleqatigiinnissamut periarfissat

Nukittorsaqatigiitta!

Suliffeqarfittut Kalaallit Nunaanni Niuernermik Ilinniarfiup assigiinngitsutigut suleqatiginissaa periarfissaqarpoq. Ilisimasat piviusullu imminnut ataqatigiinnissaat anguniarlugu pisussaaffittut isigalugu sulivugut.

Soorlu neqeroorutigaagut oqalugiarnerit, avataaniit oqalugiartitsinerit, projektinik suliaqarnerit / allannerit, aammalu ilinniartunik ilitsersuisutut inissisimaneq, suliffeqarfimmi sulisut ilaasa ilinniartunik ilisimatusartunilluunniit ilitsersuisunngornissaanik periarfissiisoq.

Avataaniit oqalugiariartortut Projektimik allanneq Ilitsersuisuuneq
Avataaniit oqalugiariartortut

Uatsinnut qaaqqusaagit!

Ilinniartutta ilisimatusartuttalu ilinniarnertik naammassigunikku piviusunullu anillaallutik ilinniakkatik sumut atorsinnaanerlugit paaserusuttarpaat. Avataaniit oqalugiariartortitaqartarneq aqqutissaq pitsaasuuvoq atuakkat ulluinnarni sulinermut qanoq imminnut ataqatigiinnersut pillugit ilinniartunut tunniussaqarsinnaasaramik.

Niuernermik Ilinniarfimmut avataaniit oqalugiariartortutut inuutissarsiornerup ingerlanneqarneranut tunngasunik paasissutissanik assigiinngitsunik tunniussaqarsinnaanissannik periarfissaqarputit. Imaassinnaavoq aamma taassuma saniatigut siunissami suleqatigiligassavit ilaannik naapitsinissamut oqaloqatiginninnissamullu periarfissaqartutit.

Projektimik allanneq

Projekti tamarmiulluta piviusunngortissavarput?

Misilittakkagut malillugit suliffeqarfinni isummassarsiat nutaat pisunit naatsorsuutiginngisanit pilersinneqartarput – inuusuttunit amerlanertigut pilersinneqartarlutik.

Suliffeqarfinni projektinik ingerlatsissagaanni ilinniartut ilisimatusartullu suleqatiginissaannut periarfissaqarpoq. Soorlu tuniniaanermi misissuinerit, naatsorsuuserineq imaluunniit niuertarfinnik pinnersaaneq suliarineqarsinnaapput. Periarfissat amerlaqaat.

Ilitsersuisuuneq

Ilisimasanik avitseqatigiinneq pingaarutilittut isigalugu

Siunissami nukissat pingaarnerpaat ilagaat ilisimasanik avitseqatigiinneq. Ilinniartutta ilisimatusartuttaluunniit ilaannut suliffeqarfimmiit ilitsersuisutut periarfissaqarputit ilinniakkannit sulisimaninnillu ilisimasatit misilittakkatillu allanut ingerlateqqinnissaannut.

Suliffeqarfimmiit ilitsersuisup misilittakkani aammalu inuttut piginnaasani ilinniartutta ilisimatusartuttaluunniit arlaannut tunniukkaangagit tigusisumut tunisisumullu tamanna iluaqutaasartoq malunnartarpoq.

Suliffeqarfimmiit ilitsersuisoq sunaanersoq paasisaqarfiginerorusukkukku ilinniartunut ilitsersuisorput studievejleder@ninuuk.gl imaluunniit oqarasuaat 342564 atorlugu attavigisinnaavat.

Uani nittartakkami nittartakkap ilisarsissuteerai (cookies) atorneqarput nittartakkap ingerlaavartumik pitsanngorsarnissaa angusinnaajumallugu. Nittartakkap atorneratigut uagut nittartakkap ilisarsissuteeraanik atuinerput akuersaarpat

LUK