Nittartakkatsinni ilinniarneqarsinnaasut pissanganartorpassuit atuarsinnaavatit - taamaalillutalu illit ilinniarusoqqissaakkannut ikiorsinnaavatsigit.
Apeqqutissaqaruit ilinniarneqarsinnaasorpassuit pillugit, attavigiinnariaavatsigut - uunga ninuuk@ninuuk.gl imaluunniit attaveqaat 323099.
Eqqaamallugu, kalaallit nunaanni ilinniarusunnermut nalunaarfissaq ulloq 1. marts 2010.
Niuernermik Ilinniarfik, Nuuk, kalaallisut ingerlatsisuuvoq aammalu nunarsuarmi niuernermik ilinniarfinni ilisimasaqarluartuulluni, ilinniakkanik pikkorissarnernillu neqerooruteqartartuulluni niuernerup iluani.
Nunatsinni ilinniarfiit annersaasa ilagivaatigut, taamaattumik uagutsinnut pingaaruteqarluinnarpoq inuutissarsiornermik inuussuteqartunut qanimut attaveqarluarnissarput, taakkuummata suliffeqarfiit ilinniartuutitsinnik pikkorissunik amerlasuunillu ilinniartuuteqalersartut. Kiisalu inuutissarsiornermik ilinniartsitsinerput pikkorissaasarnerpullu pilersaarusiorluakkamik ajunngitsumillu attaveqatigiinnikkut pisarpoq nunatsinni inuutissarsiornermik ingerlatsisunut minnerunngitsumillu inuuniarnermut nunatsinni, ajunngitsumillu sunniuteqartarluni inuiaqatigiinnut kalaallinut kiisalu Nunatta siunissaanut.
Suliaraarputtaaq ilinniartitseriaaserput nunarsuarmioqatigiinnik aallaaveqarluta ingerlatissallugu. Tamanna sulineq ingerlanneqarpoq kinguneqarlunilu suleqatigiinnermik pilersitsisumik, isumaqatigiissuteqarnikkut qallunaat kiisalu amerikamiut ilinniarfeqarfiinik.
Uani nittartakkami itinerusumik atuarsinnaavatit ilinniarfiít amerlasuut pissanganartut pikkorissarnerillu assigiinngitsut.
Tikilluaritsi / Velkommen
Inger G. Larsen, Forstander
|
